В природе нет "секретов", а есть лишь та или иная степень нашего невежества.
"Секреты" же придумали недоучки, чтобы держать людей в повиновении и страхе.
Беларуска дажыла да 113 гадоў, не звяртаючыся да лекараў
Медыцынскую картку ў паліклініцы жыхарка Свіслачы завяла на 114-м годзе жыцця.
У пашпарце Міхаліны Сікор запісана, што яна нарадзілася 1 студзеня 1900 года.
Цяпер доўгажыхарка жыве ў сваёй дачкі Серафімы Барадзюк 1940 года нараджэння.
Серафіма Барадзюк распавяла карэспандэнту "Свабоды", што ейная маці толькі сёлета завяла медыцынскую картку ў мясцовай паліклініцы, а дагэтуль ніколі не звярталася да лекараў.
Міхаліна Сікор у свае 113 гадоў усё больш ляжыць у ложку, амаль не можа размаўляць, хоць на словы суразмоўцы ясна рэагуе ківаннем галавы і нават усмешкай.
Яна нарадзілася ў вёсцы Працуцічы Свіслацкага раёну, паблізу Белавежскае пушчы, сама выгадавала чатырох дачок, бо муж заўчасна памёр, перажыла вайну і раскулачванне, працавала ў калгасе рознарабочай.
Паводле спадарыні Серафімы, маці, як і яна сама, усё жыццё толькі рабіла, нідзе не ездзіла, не адпачывала. Сёлета аступілася і ўдарылася аб ложак. Выклікалі тэрапэўта - і высветлілася, што ў спадарыні Міхаліны не было нават медыцынскай карткі ў паліклініцы.
Паводле яе дачкі, спадарыні Серафімы, маці ніводнага разу ў сваім жыцці не была на прыёме ў лекараў, ніколі не ўжывала парашкоў і не праходзіла флюараграфію.
Спадарыня Серафіма дадае, што за доўгія гады жыцця яе маці ў Свіслачы ніхто ніколі не цікавіўся ейным даўгалеццем: не наведваліся ні ўлады, ні піянеры, ні проста цікаўныя людзі. Праўда, аднойчы пра яе напісалі ў мясцовай газеце.
***
Найстарэйшым чалавекам на свеце лічыцца японец Дзіроэман Кімура, якому ў красавіку сёлета споўнілася 116 гадоў. Кімура – адзіны на свеце жывы мужчына, які нарадзіўся ў ХІХ стагодздзі.
Найстарэйшай жанчынай на свеце зьяўляецца японка Місао Окаўа, якой у сакавіку сёлета споўнілася 115 гадоў.
Ацэньваецца, што на свеце могуць жыць 200-300 чалавек, якім споўнілася 110 гадоў. Аднак гэты ўзрост удалося пацвердзіць дакументальна ў выпадку не болей чым 70 чалавек.